Monday, May 16, 2011

விருப்பம்

" என்னவாக விருப்பம் ?"
என்ற டீச்சரின் கேள்விக்கு
" எஞ்சினியர் , டாக்டர் , போலீஸ் " என்று
எதைச் சொல்வது என்று
குழப்பமாக சிந்திக்கும் தருணம்
வரவில்லை -
சிக்னலில் பிச்சை எடுக்கும்
சிறுவனுக்கு.

----------------------------------------------------------------------------------------------------------------------------------------------------------------------

ஒரு தருணத்தை கூட தவற விட்டால் தான் விரும்பிய வடிவத்தை வாசகரோடு பகிர முடியாமல் போகின்ற புகைப்பட கலைஞரை எண்ணி மனம் வருந்துகிறது.
தான் சொல்ல வந்த விஷயத்தை எளிமையாகவும் ஆழமாகவும் ஒரு எழுத்தாளரை விடவும் ஒரு கவிஞரை விடவும் சொல்லும் புகைப்பட கலைஞருக்கு ஏன் இந்த திரை மூடல் ?


----------------------------------------------------------------------------------------------------------------------------------------------------------------------


ஒரு அரசியல் நிகழ்ச்சிக்கு
ஒரு திரைப்படத்திற்கு
ஒரு ஆன்மீக பிரசாரத்திற்கு
ஒரு இன மத பிரச்னைகளுக்கு
ஒன்று சேராத மக்கள்
ஒரு விளையாட்டிற்காக ஒன்று
சேர்வதற்காக மகிழ்ச்சி அடைகிறேன்.
என்ன
ஒரு விஞ்ஞானியின் அறிவியல் நிகழ்ச்சிக்காக
ஒரு எழுத்தாளனின் கவிஞனின் விழாவிற்காக
ஒன்று சேர்ந்தால் இன்னும் மகிழ்வேன்.

Monday, May 2, 2011

CLASS SCENE

YOUTUBE ல் தேக்கிய என்னுடைய இரண்டாவது காணொளி . ULTIMATE CLASS scene by பாக்யராஜ்.




video

YOUTUBE ல் தேக்கிய என்னுடைய முதல் காணொளி .

YOUTUBE ல் தேக்கிய என்னுடைய முதல் காணொளி . ராமராஜன் படத்தில் ஜேர்மன் பாடல் - வியப்பாக இல்லை

நம்பாவிட்டால் தலைப்பிற்கு கீழே yourssaths என்று இருக்கும் பாருங்கள்.



video

Sunday, May 1, 2011

எனக்கு பிடித்த ஜப்பானிய பாடல்



உடதா ஹிகருவின் அழகு குரலில் ஜப்பானிய மொழிப் பாடல். கற்றுக் கொள்ள ஆசையாக உள்ளது.


video

எனக்கு பிடித்த அராபிய பாடல்


தோமர் ஹோசினியின் இந்த பாடல் அற்புதமான மெலடி. இவரின் AINS SHAMS பாடலும் நன்றாக இருக்கும். அராபிய பாடல்களை கேட்கும்போது தமிழ் பாடல்கள் நிறைய இங்கிருந்து எடுத்திருப்பது தெரியும்.


video

எனக்கு பிடித்த இளையராஜா பாடல்



சொல்வதற்கு எதுவும் இல்லை. மாஸ்டர் பீஸ்.



video

எனக்கு பிடித்த இளையராஜா பாடல்


சொல்வதற்கு எதுவும் இல்லை. மாஸ்டர் பீஸ்.




video

எனக்கு பிடித்த யுவன் பாடல்



யுவனின் இசைஅமைப்பில் வந்த பாடல்களில் எனக்கு மிகவும் பிடித்த பாடல். பின்புலத்திற்கு ஏற்ப உடைகள் மாறுவது அழகு.



video

எனக்கு பிடித்த மலையாள பாடல்

புதிய முகம் படத்தில் வரும் இந்த பாடல் மலையாள கலாச்சாரத்தை வெளிப்படுத்துவதாக அமைந்துள்ளது. இசை தீபக் தேவ்.


video

எனக்கு பிடித்த தெலுகு பாடல்

கீரவாணியின் இசையில் ஒக்கரிக்கு ஒக்கரு என்ற படத்தில் வரும் இந்த பாடல் எனக்கு மிகவும் பிடித்தது. கேரளா அதிரம்பள்ளி அருவி வேறு அழகிற்கு அழகு சேர்க்கிறது.

video

எனக்கு பிடித்த கன்னட பாடல்

யஷ்வந்த் படத்தில் வரும் இந்த பாடல் ஏனோ எனக்கு பிடிக்கும். மணிஷர்மாவின் இசை , முரளி மற்றும் ரக்ஷிதா வின் ஆட்டம் மற்றும் பின்னால் வரும் நடன கலைஞர்கள் அனைத்தும் கவரும் விதத்தில் இருக்கும்.


video

Saturday, April 30, 2011

எனக்கு பிடித்த பிரெஞ்சு பாடல்

ஒரு விசேடமான காரணம் இல்லை. அலிழீ யின் உருகும் குரல் மட்டுமே.


video

எனக்கு பிடித்த ஆங்கிலப் பாடல்

இந்த பாடல் வன்முறையில் சுட்டுக் கொல்லப்பட்ட இரு குழந்தைகள் நினைவாக எழுதப்பட்டதாகும். அயர்லாந்து மற்றும் இங்கிலாந்து நாடுகளுக்கு இடையே உள்ள போரினை பற்றி சொல்வதாகும். உயிரை உலுக்கும் இந்த பாடலை எனக்கு மிக மிக பிடித்த டோலோறேஸ் ஒ ரயொர்டன் பாடி இருப்பார். என்னுடைய ALL TIME FAVOURITE SONG இது.
இவரது will you remember , cordell பாடல்களும் மிக அற்புதமாக இருக்கும் .


video

எனக்கு பிடித்த ஹிந்தி பாடல்



நான் 1991ல் திண்டுக்கலில் என் சித்தியின் வீட்டில் தங்கி படித்துக் கொண்டிருந்த போது ஒரு நாள் தொலைக்காட்சியில் சித்ரஹார் நிகழ்ச்சியில் இந்த பாடலைப் பார்த்தேன். மிகவும் பிடித்து சைக்கிளை மிதித்து அருகில் இருக்கும் காசெட் கடையில் போய் வாங்கினேன் . பிறகு தொலைந்து போனது. பின்னர் இந்திய சுற்றுலா செல்லும் போது டெல்லியில் திரும்பவும் காசெட் வாங்கினேன். அதுவும் சில வருடங்களில் தொலைந்து போனது. இப்போது youtube ல் எடுத்து விட்டேன். கிட்டத்தட்ட இருபது வருடங்கள் என்னோடு பயணித்த இந்த பாடல் என்னால் மறக்க முடியாதது.


video

Sunday, April 24, 2011

பேரைக் கேட்டாலே தெரிஞ்சிடும்ல

என்னுடைய வட இந்திய நண்பன் தென் இந்தியரை " மதறாசி " என்பான். அவனைப் பார்த்து நான் தமிழ். இவன் தெலுகு , கன்னட, மலையாளம் என மொழியால் வேறு வேறானவர்கள். இது கூட தெரியாமல் இருக்கிறாயே என்றேன். உடனே அவன் என்னைப் பார்த்து " சோப்ரா" எந்த மாநிலத்தைச் சேர்ந்தவன் என்று தெரியுமா ? என்று கேட்டான். உடனே நான் " தெரியாது" என்றேன். உடனே அவன் முதலில் நீ எங்களை தெரிந்துக் கொள். அப்புறம் நான் உங்களைத் தெரிந்துக் கொள்கிறேன் என்றான். உடனே ஆராய ஆரம்பித்து இந்த தொகுப்பை வெளியிடுகிறேன் . இனிமேல் வட மாநிலத்தார் பெயரை வைத்து நீங்களும் அவர் எந்த மாநிலத்தைச் சேர்ந்தவர் என்பதை ஓரளவு தெரிந்துக் கொள்ளுங்கள்.

பஞ்சாப்

சோப்ரா / சாவ்லா / கவுர் / பாட்டியா (சிந்தி) / கபூர் / கன்னா / மெஹ்ரா / டாண்டன் / மல்ஹோத்ரா / சேத்

பெங்கால்

மசும்தார் / ஹல்தர் / சர்க்கார் / பானர்ஜி / சட்டர்ஜி / கங்குலி / சென் / பட்டச்சார்யா / சாஹா / ராய் / பர்மன் / முகோபாத்யாயா / சக்ரவர்த்தி / பாசு / மித்ரா / முகர்ஜி / தத்தா / கோஷ்

ஒரிசா

நாயக் / மொஹந்தி / பண்டா / சாஹு / ஓஜா

ராஜஸ்தான்

அகர்வால் / ஜெயின் / ஜெய்ஸ்வால் / மிட்டல் / கோயல் / பண்டாரி / ஜிண்டால் / சவ்ஹான் / ரதோட் / ஷெகாவத்

குஜராத்

படேல் / மோடி / ஷா / திரிவேதி / காந்தி / மேத்தா / சோலங்கி

மகாராஷ்டிரா

தேஷ்பாண்டே / பாடீல் / சவான் / தவான் / பவார் / குல்கர்னி / ஷிண்டே / கர் மற்றும் லே , ரே யில் மிடியும் பல பெயர்கள் ( டெண்டுல்கர் , போன்ஸ்லே, மோரே போல )

ஹிந்தி ( உபி , பீகார் , ஹரியானா )

மிஸ்ரா / ஷர்மா / வர்மா / குப்தா / ஜாதவ் / சின்ஹா / சக்ஸ்சேனா / ஜா / பாஜ்பாய் / திவாரி / சுக்லா / சதுர்வேதி / பன்சால் / ஜோஷி


மங்களூர்

பட் / ஷெட்டி / ரய்

Monday, March 21, 2011

எனது நிலைப்பாடும்
கொள்கையும்
எனது விருப்பத்திற்கேற்ப அமைத்து விடுகிறேன்.

சாலையில் குடல் சிதறிய
நாயையோ பூனையையோ
பார்க்கும் போது வரும் பரிதாபம்
கையில் கிடக்கும்
வறுத்த கோழியிடம் ஏற்படுவதில்லை.

எனது நிலைப்பாடும்
கொள்கையும்
எனது விருப்பத்திற்கேற்ப அமைத்து விடுகிறேன்.

----------------------------------------------------------------------------------

" எப்படி முன் பார்த்தது போலவே மாறாமல் இருக்கிறாய் " ?
என்று கேட்டான் நண்பன்.
" மாற்றங்களால் " என்றேன் நான்.

----------------------------------------------------------------------------------

மேகம்
-------------

நீரில் தொடங்கியது
என் வாழ்க்கைப் பயணம்.
றுற்கார்திஎ என்னைத் தமாடுற வைத்தது.
தென்றல்
புயல்
வெப்பம்
குளிர்
அனைத்து நிலைகளிலும்
முட்டிமோதி
மூழ்கி திளைத்து
மலையோடு பின்னிப் பிணைந்து
மரங்கள் ஊடே நெளிந்து வளைந்து
க ளை த் து
கலந்தேன்
மண்ணை.
ஒன்றையும் கொண்டு செல்லாமல் .
ஒன்றையும் விட்டு செல்லாமல்.

----------------------------------------------------------------------------------


குஜராத் கலவரம் என்றான்
இங்கு போராட்டம் நடத்தினேன்
மகாராஷ்டிரா பூகம்பம் என்றான்
இங்கு நிதி திரட்டி அனுப்பினேன்
ஒரிசா வெள்ளம் என்றான்
இங்கு உணவுப்பொட்டலங்கள் தயார் செய்து வாரி வழங்கினேன்
இங்கு மீனவர்கள் சுட்டுக் கொல்லப்படுகிறார்கள் என்றேன்
அங்கு ஒரு சலனம் கூட இல்லையே ?
இதுதான்
ஒற்றுமையில் வேற்றுமையோ ?

------------------------------------------------------------------------------------------

பெட்டிக்கடையின் வெளியில்
பற்ற வைத்துக் கொண்டிருந்தேன் வென்குழலை
வேகமாக வந்தார் அந்த முதியவர் -
" ஒரு ரூபா கொடு " - கெஞ்சாமல்
கூழைக் கும்பிடு போடாமல்
உரிமையோடு கேட்டு கை நீட்டினார் .
இதற்கு முன் அவரைப் பார்த்ததில்லை
இனி பார்ப்பேனா என்று தெரியவில்லை
ஒன்றும் பேசாமல் ஒரு ரூபாயை
எடுத்துக் கொடுத்தேன் .
ஒரு வேளை கனவில் கடன் வாங்கி இருப்பேனோ ?

------------------------------------------------------------------------------------------

மனைவியிடம் " இன்னும் குழந்தையாகவே இருக்கிறாய் " என்று கோபத்துடன் கத்தினேன்.
" அதில் தவறு ஏதும் இருக்கிறதா? " என்று கேட்டாள்.
யோசிக்கிறேன்.

------------------------------------------------------------------------------------------

வெற்றி பெறும்போது
என்னை விட
என் மகன்
அதிகம் மகிழ்ச்சி அடைகிறான்.
தோல்வி அடையும்போது
என்னை அவன்
தேற்றுகிறான்.
புரியவில்லை
யாருக்கு யார் அப்பா என்று ?

கருணாநிதியின் தேர்தல் அறிக்கை


கருணாநிதியின் தேர்தல் அறிக்கைக்கு என் பின்னூட்டம்





தாய்மார்களுக்கு, அவர்களது விருப்பத்துக்கு ஏற்ப, இலவசமாக கிரைண்டரோ அல்லது மிக்சியோ வழங்கப்படும்.

நா சா :

அப்போ கிரைண்டர் அல்லது மிக்சி நிறுவனத்தோடு டீல் முடிந்ததுன்னு சொல்லுங்க. DVD , AC நிறுவனம் எதுவும் செட் ஆகலிங்களா அய்யா ?


குடும்பத்தின் முதல் பட்டதாரிக்கு அரசு வேலைவாய்ப்பில் முன்னுரிமை வழங்கப்படும்.

நா சா :

அப்போ பத்து வருடம் முன்பு ஏற்கனவே பதிவு செஞ்சவன் நாக்கு வழிக்கவா ? முதலில் அவனுக்கு முன்னுரிமை கொடுங்கள். பிறகு பார்க்கலாம்.

* மகளிர் சுயஉதவிக்குழுக்களுக்கான கடனுதவி, ரூ.4 லட்சமாக உயர்த்தப்படும். அதில், ரூ.2 லட்சம் கடன், மானியமாக வழங்கப்படும்.

நா சா :

மகளிர் என்றால் கனி , தயா , ராசத் இவங்க இல்லையே

அரசு கல்லூரிகளில் பிற்படுத்தப்பட்ட, ஆதிதிராவிடர் மாணவர்களுக்கு இலவச லேப்-டாப் வழங்கப்படும்.

நா சா :

இதை ஜாதி வாரியாக கொடுக்காமல் பொருளாதார அடிப்படையில் கொடுக்கலாமே

அரசு பள்ளி மாணவர்களுக்கு ஆண்டுதோறும் 3 இலவச சீருடைகள் வழங்கப்படும்.

நா சா :

ஜட்டி , பனியனும் சேர்த்து தந்தால் கோடி புண்ணியம்

* 2006-ம் ஆண்டு முதல் 2009-ம் ஆண்டுவரை பெறப்பட்ட கல்விக் கடனுக்கான வட்டியை அரசே செலுத்த பரிசீலிக்கப்படும்.

நா சா :

ஏற்கனவே ஒரு லட்சம் கோடி கடன் இருக்கு. இந்த லட்சணத்தில இதை எப்படி எடுத்துக் கொள்வது ? ஜோக் ஆகவா ?


முதியோர், ஆதரவற்ற பெண்களுக்கான உதவித்தொகை ரூ.750 ஆக உயர்த்தப்படும்.

நா சா :

அதுல எதுவும் இந்த இடைத் தரகர்கள் பிடுங்கி விட மாட்டங்களே ?


சென்னை-கோவை இடையே புல்லட் ரெயில் இயக்க நடவடிக்கை எடுக்கப்படும். மதுரை, கோவையிலும் மெட்ரோ ரெயில் சேவை தொடங்க நடவடிக்கை எடுக்கப்படும். சென்னை மெட்ரோ ரெயில் போக்குவரத்து, மாமல்லபுரம்வரை நீட்டிக்கப்படும்.

நா சா :

அய்யா . கனவு கண்டது போதும். எழுந்திரிங்க. சென்னை மெட்ரோ திட்டத்திற்கே 15000 கோடி மேல் செலவு ஆகும். அதுக்கே ஜப்பான் கிட்ட கடன் வாங்கி செய்றோம். இதுல மதுரை, கோவை எல்லாம் 2050 இல் தான் மெட்ரோ திட்டம் அமல் படுத்தப்படும். சும்மா லுல்லுல்லாய் பண்ணாதீங்க


* போக்குவரத்து நெரிசலுக்கு தீர்வுகாண, சென்னை அருகே புதிய துணை நகரம் அமைக்கப்படும்.

நா சா :

அந்த துணை நகரம் உங்க வாரிசுகள் வாங்கி குவித்து இருக்கும் இடங்களில் தானே அமையும்.


சென்னை அருகே குறைந்த வாடகை கொண்ட வீடுகள் கட்டித் தரப்படும்.

நா சா :

அதை நாங்கள் சில்மா , தய , ஸ்டால் , அழகு போன்ற ஏழைகளுக்கு இலவசமாக கொடுப்போம்.

நடமாட முடியாத முதியோருக்கு மாதத்தில் ஒருநாள் அரசு மருத்துவர்கள் வீடு தேடிச் சென்று சிகிச்சை அளிப்பார்கள்.

நா சா :

- அவங்கள government hospital க்கு ஒழுங்கா வரச் சொல்லுங்க போதும். வேலை நேரத்திற்கு இருந்து பணி செஞ்சாலே பெரிய விஷயம்.


சென்னை, தாம்பரம் போல, மதுரையிலும் காசநோய் மருத்துவமனை அமைக்கப்படும். தனியார் மருத்துவமனைகளில் கட்டணங்களை ஒழுங்குபடுத்த அரசு சார்பில் மருத்துவ கட்டண ஒழுங்குமுறை ஆணையம் அமைக்கப்படும்.

நா சா :-

சும்மா கலாயிகாதீங்க. தனியார் மருத்துவமனை கட்டணம் ஒழுங்கு என்பதெல்லாம் சும்மா விஜயகாந்த் வீர வசனம் என்று எங்களுக்கு தெரியும்.


அனைத்து மாவட்டங்களிலும் பல்கலைக்கழகங்கள் அமைக்கப்படும். அனைத்து மாவட்டங்களிலும் அரசு பொறியியல் கல்லூரிகள், செவிலியர் கல்லூரிகள் அமைக்கப்படும்.

நா சா :-

அதனை எங்கள் MLA மற்றும் மந்திரிகளே அனுமதி பெற்று நடத்துவார்கள் .


ஈழத்தமிழர்கள் அமைதியாக வாழ இலங்கை அரசை வற்புறுத்துவோம்.

நா சா :

ஏற்கனவே ஒரு லட்சம் கடிதங்கள் எழுதி இருக்கிறேன். இன்னும் பல லட்சம் கடிதங்கள் எழுதி உலக சாதனை புரிவேன்.

திருச்சி, மதுரையில் மனநல மருத்துவமனைகள் தொடங்கப்படும்.

நா சா :-

உங்க ஆட்சி தொடர்ந்தால் கட்டாயம் இது தேவைதான்.


* கல்வியை மாநில அரசு பட்டியலில் கொண்டுவர வலியுறுத்தப்படும். தரமான இலவச கல்வி அளிக்க அரசு பள்ளிகளின் தரம் உயர்த்தப்படும்.

நா சா :

சும்மா புரு புரா .


தடையின்றி மின்சாரம் கிடைக்க மின்உற்பத்தி திட்டங்கள் அதிகரிக்கப்படும்.

நா சா :-

இருக்கிற மின் நிலையங்கள் ஒழுங்காக இழப்பில்லாமல் மின் உற்பத்தி செய்தாலே போதுமானது

* விவசாய நிலங்கள், வீட்டு மனைகளாக மாற்றுவது தடுக்கப்படும்.

நா சா : -

அதிமுக வினருக்கு மட்டும்.


வைகோ அரசியலில் வெல்ல பத்து வழிகள்








1. ஈழத் தமிழருக்காக உண்மையாகவே போராடுவது போல் நடிப்பது .

2. தன் மகனை கட்சியின் துணை பொதுச் செயலாளர் / மத்திய மந்திரி
(ராஜ்யசபா சீட் மூலம் ) ஆக்குவது .

3. பதவிக்காக மட்டும் டெல்லிக்கு போவது.

4. தனக்கு தானே வாரத்திற்கு இரண்டு பாராட்டு விழா நடத்துவது

5. கைது செய்யும் போது " அய்யோ கொல்றாங்களே . கொல்றாங்களே " என்று
கத்துவது

6. நாத்திகம் பேசிக் கொண்டே மஞ்சள் துண்டு போடுவது , ஜோசியர் சொன்ன
நேரத்தில் வேட்பாளர் பட்டியல் வெளியிடுவது .

7. ராஜபக்ஷேவுடன் கூடி இலங்கையில் தொழில் புரிவது .

8. பேரன் பதவிக்காக டெல்லி போவது.மீனவர் செத்தால் கடிதம் மட்டுமே
போடுவது இப்படி இரட்டை வேடம் போடுவது

9. மத்திய அரசு திட்டத்தை தன் திட்டம் என்று சொல்லி ஏமாற்றுவது

10௦. இலவசமாக எல்லாம் கொடுத்து மக்களை சோம்பேறிகள் ஆக்குவது

Sunday, March 20, 2011

புவி வெப்பமாதலின் விளைவு


சென்னை எண்ணூர் பகுதியில் மெல்ல மெல்ல கடல் அரித்துக் கொண்டே வருகிறது . நான் கடந்த 8 வருடங்களாக பார்த்துக் கொண்டு இருக்கிறேன். கிட்டத்தட்ட 20 முதல் 30 mtr வரை நர்ருக்குள் வந்து இருக்கிறது. பெரிய பாறைகள் போடப்பட்டும் மெல்ல நுழைவதை தடுக்க முடியவில்லை. புவி வெப்பமாதலின் விளைவுகளை இங்கு பார்க்க முடிகிறது. .





இப்படியே மெல்ல மெல்ல ஊருக்குள் வருவதால் இந்த பகுதிகளில் கரையோரத்தில் குடிசைகளில் வாழும் விளிம்பு நிலை மீனவர்கள் வேறு புலம் தேடி செல்ல முடியாமல் தவிக்கின்றனர்.